Nun esqueices enxamás d’ú vienes, magar descoñozas ú vas.
Sere de Llión yé daqué que te trespasa’l piel y eirízate’l vellu, y faz que cualesquier outru lláu del mundu seya un lláu cualesquier, y enxamás un llar.
Torneréi a sentire tan mieu esi falaxe que tolu entruga y que na cuestiona. Que tolu faz piqueñu ensín menospreciare y onde un telar puede cusire, rebeliquere y ata destorbare y que puede tare acompangáu pur cualesquier chismín.
Onde la cecina, que yé un manxare, puedesla almorciare, yantare y ata cenare.
Onde los cordales són tan altos que sacan los bibarros al ceu y yé tan fácil escalandriate y toupate tu miesmu ou cuna vieya’l monte. Que los nuesos cordales són más, resgeira sagrada, chena de costumes, de misterios…
Onde las suas cuevas són tan fondas y guapinas, que reciben cañalgadas de vesitas, siendo ar-gullu llïonés.
Onde puedes acedere a los fantasiosos Picos d’Uropa dende Riañu, que sirve de puerta, de telón y sospresas encreibles dende la cimbria del picu Cervinu llïonés (Xilbu).
Onde los ástures,romanos, suevos, moriscos, xudigos… apurrienun parte del sere llïonés.
Onde la vida pasa serenínamente, ente las suas cais enchabanadas, los sous vinos y tapas, el sou andare risueñu, el sou románicu, el sou mudéxar llïonés, el sou góticu y la sua pulcra, que s’apelucha a tou, aínda al tiempu y al toupín, que tentaba avitelu, el sou platerescu, el sou modernismu cun Gaudí al frente y tantas, tantas xoyas…
Onde’l friéu, que tampoucu yé pa tantu…, nun percancia que nos quedemos en casa. Yá se sabe, nel húmedu nun faz tantu friéu…
Ond’esfrutamos de cocíu maragatu yantándolu al rovezu, escomenzando siempres pula carne y rematando pula soupa.
Onde tolos Outubres xubimos ata la Vixen del Camín y esfrutamos de los nuesos carros rebeliquíos y los nuesos pendones, que nos emocionan.
Onde’l nuesu árbore de nadal nun dispone de ramas verdes que rebeliquere magar sí ta chenu de bonas enquinolas, de las dolce velas y de las ufriendas.
Onde la Selmana Santa consige xuntare y amesturare a devoutos y non creyentes a las pías del Nazarenu ou nel perpétuu Alcuentru, purque la guapura sobropasa la fe y onde’l Xueves Santu puede vese comu un probe diañu chamáu Xenaru, sige teniendo sigidores.
Argullu llïonés. Argullu de sere. Argullu de pertenecere.
Autor: Desconocido
Traducción: Juan Abad
